Iwa jia ha Lapangap toh deiwa bakla kiwa na Assam wow lai thung dieñ khlem da pyntip: Prestone

U Symbood Montri Rangbah ka jylla uwa pait ya ka chnat Kaam Pohyung, u Prestone Tynsong da ong u wa i long i man ha Lapangap toh iwa da jai jai, heiwa da pyntip u wa da phah ya ki bor District ka West Jaiñtia Hills wow paitbniah bha wei wow yaklam leh wa ki bor District na Assam.

Da khana u wa neiliang u Montri Rangbah da yaklam smat u wa ka sorkar Assam hajrong ini wa jia ha Lapangap, wei neiliang ka sorkar Meghalaya da pyntikna ko wa kam ini wa jia ymtoh de wow jia hadien habood.

Kam wow pynkynmoo wa ynnin ka sngi, kiwa chong chnong ka Lapangap da lai toor paidbah ki yow phut ya ki tre dieñ wa da thung da ki Karbi hapoh u pood u ang ka chnong heiwa da synraan leh da boon tylli ki seiñbhalang wei da thang leh ya kawi ka yung trep wa dang chna wei da mih leh i ya pynyoo nia hapyrdi ki bor District wa ki Karbi.

Related posts

Khut sñiawbha ka Seiñ Raij Tuber cha ka Behdieñkhlam 2026 | Da booh kyndon leh ya kiwa wan chongdai

July 13, 2026

Hapoh ka aiñ POCSO da pynngat ya u Nurse ka NEIGRIHMS uwa jrong kti ya ka kynthai kawa dang dep chah pooid

July 13, 2026

Hawa kylli, u Prestone da ong u wa i kynaad da mih i nei bakla yong ki bru wa na Assam kiwa da wan thung dieñ cha u pood u ang ka Meghalaya khlem da pyntip chwa ya ki bor District ka Meghalaya, khamtam hawa da em chwa i ya pynbait na waroh ar jylla.