6 sngi e por ya ki pulit wow takit ya kiwa murieh ya ka muna ka Sonam

Ka yung kasari u District and Session Court, Shillong da e bor ko ya ki pulit ka Meghalaya 6 sngi yow takit ya ki 3 ngut kiwa da chah pynbaad wa emkti wow pynwiar ya ki sakhi satar hajrong i chah pynyap u Raja Raghuvanshi.

U Assistant Public Prosecutor, u T. Chanda hawa klam cha ki laad pathai khubor da khana u wa heiyong sakhiat ki pulit da paan por ki 8 sngi wow takit bniah ya kini ki 3 ngut tangwa ka kasari da e por ko du 6 sngi.

Kini ki le ngut toh u Lokendra Singh Tomar uwa kam u tre yung wa chim wai ka Sonam ha Indore, u Silom James kam uwa pynyoh yung wai wa u Balbir Ahiwar uwa man kam u Security Guard kani ka yung kiwa da kem da ki pulit ka Meghalaya wei da wanrah ki cha Shillong ynne ka sngi.

Katkam wa ong ki pulit, kini ki bru da pyrchang ki wow murieh ya kawi ka muna deilang kiwi ki tiar ki tar heiwa da thang leh ya kawi ka muna Laptop wei da noh ya ka Laptop kawa man ka yong u Raj Singh Kushwaha.

Related posts

Dawa ka PSM na u DC wa u SP wow booh Infiltration Check Gate ha u sarok Jowai-Dawki wa joor psiah tooh ki Bangladeshi

September 22, 2026

Yap uwi wei mynsoo joor ka kurim hadien wa chah tyrrah ka Scooty ha ka Thar

September 22, 2026

Ki pulit da chem ki leh na u Silom James ya kawi ka Pistol, ki kuli deilang ka poisa wa Rs. 50,000 tangwa i ksiar ym pu em chem kiwa man ki yong u Raja Raghuvanshi.