Ka MLA yong ka East Shillong kawa man leh ka Montri yong ka sorkar jylla, ka Ampareen Lyngdoh da ong ko wa i mih kulmar ynnin i miet ha Laitumkhrah toh nei yadih ya baam wei da leh ka muaid wei ymtoh u wanrah yei ya sñiaw yaphær jaitbru.
Hadien wa mih i kulmar ynnin i miet ha thanat Laitumkhrah hadooh wa da chah thang diñ syndon ka kali pulit hapoh Police Station, neiliang ka Ampareen kawa man leh ka MLA yong ka thaaiñ ryngkat u Fantin Lakadong uwa man u MDC da lai ki cha katai ka thanat yow tip yeiwa jia.
Hadien wa yachem wa ki pulit katai ka thanat wa da emlang leh u SP ka East Khasi Hills, u Sylvester Nongtnger, ka MLA kawa man leh kam ka Montri wa pait ya ki kaam aiñ da ong ko wa ka aiñ daw takit ko yeiyi wa da jia wei wow e laad ya waroh arliang wow ujor ki.
Da ong ko wa ymtoh u chah ya i hamsaya wow tymmoh i yeiwa jia sakhiat wei ki pulit daw takit ki ya iyi wa jia khnang wow pynkut noh ya itai waroh.
