U State President ka National People’s Party uwa man leh u MP ka Rajya Sabha ka jylla, u Dr. W.R. Kharlukhi, da kylli u iyi wa em cha kylla yong ka liang pyrchah ha ka jylla, ka All India Trinamool Congress wym ujor pyrchah ya i kaam pyrchah aiñ yong i tih wa i chalan tooh ya u mooyong ha jylla cha ki bor ka aiñ hawa biang ki sabut.
U Dr. Kharlukhi da pteiñ u leh deiwa ong wa lada ka Nokma ka Ri-loom Garo ye ko wow chim ya kani ka luti weileh won ka AITC ymye ko wow bood ya ini i jooh i kaam wow ujor namo em won ki wym chah næ khanglaad ya ki wow leh kamtæ, hawa em ki sabut weileh wym wan ki chaphrang yow pynyoo pyrthai.
Ini da ong u Dr. Kharlukhi hadien wa mih i pynbaad wa em kiwa khayi mooyong kiwa emkti wa ki seiñ kieñ suloi.
U Dr. Kharlukhi da yieñ u deiwa ong wa ym jooh em kam kitæ wow jia, wei neiliang ki bor pulit leh em ki ka thong wow pait ya ki kaam tooh.
Hajrong i ujor da ka Nokma ka chnong Nengchigen, wa em i yatoh ki tre mooyong wa ki seiñ kieñ suloi, u Dr. Kharlukhi da pynche u lyngba i klam ka Acting DGP ka jylla, wa da Register ya ka Case wei neiliang ki pulit da kreh ki wow khanglaad ya ki kaam tih wei khayi mooyong tooh ha ka jylla.
