U Montri Rangbah ka jylla Meghalaya, u Conrad K Sangma ynne da chah jied biang u kam u National President ka National People’s Party (NPP) ha ka Election ka Party wa da pynman ynne hi ka sngi ha yung krehkaam ka Party ha Shillong.
Ka Election wa da pynman ynne ka sngi toh neibynta ka kyrdan National President, National General Secretary wa National Party Treasurer.
Neiliang u National Spokesperson ka Party, u Abhaya Kashyap uwa man leh u Returning Officer ka Election da pyntip u wa ya u Conrad K Sangma da jied kam u National President katwa u Thomas A. Sangma won da chah jied u kam u National General Secretary.
Ya ka kyrdan National Party Treasurer dang thylli ko khlem em kiwa yakhun ya kani ka chuki.
Neiliang u Conrad da pynsñiaw u yei sñiawngooh hadien wa chah jied biang u kam u National President ka NPP. Da e khublei u leh ya ki dkhot ka Party wa da e ki i chaniah ya oo deiwa ong wa i yatylli toh i bor.
Hawa kylli hajrong i thung ya u Thomas Sangma kam u General Secretary, wot hadien wa da em i chah pynbait slaitbor, u Abhaya Kashyap da pynksan u wa katai ka kaam toh bait du i pynbaad wei dang lai ka bichaar chakhmat hapoh Kachari, wei kiwa yahkhmat ka NPP da ong ki wym ye u chah pyndooh kaam kat wym pu rai chah pynrem da ka yung bichaar.
