Jied ki paidbah da ka kurim u Jonathone N. Sangma wow yakhun na Williamnagar

Jowai: Ka Party NCP ynne ka sngi da pynman ko ya ka yalang neibynta wow jied kyrtong thymme yong ka hapoh ka Williamnagar Constituency heipor 10 waje i step ha Williamnagar heiwa da tooid kiwa boon ki piadbah cha kani ka yalang.

Neiliang ka NCP Meghalaya State da yahkhmat da u S.P. Thapa, General Secretary NCP Meghalaya State wa u Torang R. Marak, President Nationalist Youth Congress.

Ki paidbah wa emlang ha kani ka sngi da kyrpaad ki ya kurim u (L) Jonathone N Sangma ka Krenilla R. Marak wow mihsalan hei thaw yong oo wei da kular ki leh wow kyrchaan pura ya ka.

Kamtæ ka Krenilla da chim ko ya ka rai wow yieñ yaleh Election hei thaw yong u kurim ko uwa chah tynyap khiar ha ki damok.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Thapa da phah u ya ka GNLA wow pyntip wa lada emkti ko namo ymem wow tynyap ya u Jonathone yow lait leh kiwa ha yung ha sem yong oo u sah hei doom.

U Torang da pynsñiaw u yei sñiawngooh ya ki paidbah yei kyrchaan ya ka kyrtong ka NCP kamjooh leh ka Krenilla da e khublei ko ya ki paidbah yei kyrchaan ki ya u kurim yong ka kamjooh yei kyrchaan won wa da e ki ya ka katni.