Ha ki 10 snem wa da dep, nadooh wa pynkrehkaam yaka aiñ Protection of Children from Sexual Offences namo ka (POCSO) Act 2012, da em hadooh 2,566 tylli ki Case wa da ujor wei hadooh 1,984 tylli ki Case wa sahteiñ khlem pu ye u bichaar pyndep.
Katkam ka Preliminary Report namo ka bui na ka Meghalaya State Commission For Protection of Child Rights (MSCPCR), lyngba ka aiñ POCSO da Register nyngkong yaka Case chah thombor ha u snem 2013. Ka bui kdaw ko leh wa i thombor ya ki khynnah joor bha i heipor wa wan ka khlam COVID-19, itæ ha u snem 2020-2021 wa 2022, heiwa da pynyoo wa ha u snem 2021 hadooh 378 tylli ki Case wa da register, uwa man u snem wa joor dooh i chah thombor ki khynnah.
Ka East Khasi Hills toh kawa boon tam i chah thombor hadooh 28%, katwa ka East Garo Hills toh kawa duna i chah thombor kawa em du 36 tylli ki Case. Ki kasari wow bichaar ya ki mukotduma wa yatoh waka POCSO em ki ha 11 tylli ki District laitnoh ha Eastern West Khasi Hills wa ympu em i thaw wow bichaar.
Ha Ri-Bhoi kamwa 50 tylli ki Case da dep phah pynchitom ya ki damok wei man ko kawi na ka District kawa boon kiwa da chah pynchitom, katwa ha kiwi ki District kiwa chah pynchitom em ki du kamwa 30-31 tylli ki Case, lait noh ha South Garo Hills kawa hadooh katni ympu ye u bichaar neibhah ympu thung ya ki Special Prosecution Officer.
Ka Meghalaya State Commission For Protection of Child Rights da pynlait paidbah ko ya ki kyndon aiñ wa kongsan yong ka Protection of Children from Sexual Offences (POCSO) Act 2012, kiwa da thoh ha i ktien Khasi, wei ya kani ka aiñ daw pynkhreh won hei Garo kiwa da pynlait da u Montri ka chnat Social Welfare, u Paul Lyngdoh deiwa emlang ka Dr. M. Amparren Lyngdoh kawa man kam ka Montri ka chnat Aiñ.
Discussion about this post