Joor ki kaam tooh kari ha Shillong wa kiwi ki kaam pyrchah aiñ

Jowai: Katkam wa pyntip ki pulit da ong wa ha ka 5 tarik uni u bnai da em kiwa tooh ya ka Bolero Pick-up wa dang thymme ka yong u Edward Thangkhiew na Mawlai Nongkwar, Block-13, Shillong.

Ha ka jooh ka sngi ka Dapblin Wahlang da ujor ko wa em ki damok wa psiah tooh cha ka yung krehkaam Lobingwel School kawa em ha New Nongstoin, WKH wei da tooh ki T. 10,000.

Ha ka 4 tarik uni u bnai heipor 7:30 i miet da em wa tooh ya ka thuk thuk wa em ya u number ML-05M-8646 ka yong u Narayan Boro kawa pynyieñ ha rood sarok hajan yung u wa em ha Cleve Colony, Shillong.

Ha ka jooh ka sngi hei step da em wa tooh ya ka thuk thuk wa em ya u number ML-05N-4621 ka yong u Donavan Shangpliang na Jelly Shop, Nongthymmai, Shillong.

Related posts

10 snem phah kset ka yung bichaar ya u Brightstarmi uwa slaitbor ya ka khynnah wa dang 14 snem

October 13, 2025

Neiwa muaid heipor yah thuk-thuk yoh kem ki pulit ya ki ar ngut | Chem ar tylli ki suloi wa chna hi

October 12, 2025

Ha ka 31-10-18 heipor kamwa 5:45 i janmiet kawi ka Bus wa em ya u number ML-05-7282 kawa yah da u Manbhaboklang Mylliem (25 snem) da tyrrah ko ya u Handyman ka Bus heipor wa ran dien ko ha Laitkyrhong, EKH.

Kamtæ uni u Handyman da mynsoo u wei da kit ya oo cha Super Care Hospital, Shillong, heiwa da pyntip ki Doctor wa da khlaad u.

Ki pulit dang pynman ki ya ka takit wa bniah hajrong kini ki jia waroh.