Pyndam ka High Court ka Meghalaya ya ar tylli ki Case POCSO

Ka High Court ka Meghalaya da pyndam ko ya ar tylli ki Case POCSO hadien wa ka kynthai wa u chynrang da bia ki wei da em khon ki leh.

Ha ka hukum wa da pynmih ha ka 16 tarik uni u bnai heiyatoh wa ka Case kawa dang em hei bichaar da u Special Judge (POCSO), West Khasi Hills, Nongstoin, ka kynthai da kyntu ko hakhmat ka High Court wow pyndam noh ya ka FIR wa da Register wa ka Mawshynrut Police Station heiwa da chah pynngat u kurim ko hapoh ka Section 5 wa 6 ka POCSO Act, 2012.

Da e daw wa katni ka wa u chynrang da man ki kam ki chi kurim wei da em ki leh ar ngut ki khon.

Ka FIR toh kawa da booh ha Nongstoin Women Police Station da kani ka kynthai wa pynkhon ko hei rta wa dang 16 snem katwa u chynrang heitu i por em u kamwa 25-26 snem i rta wei da kha ko ya u khon chynrang ha ka 22 tarik u September 2020.

Kamtæ neiliang ki pulit da pynman ki yei takit wei da Charge Sheet ki leh pyrchah ya u chynrang.

Kattæ won neiliang ki arliang ki manyung da hun ki wei da mynjur ki wow ya bia kini ki ar ngut.

Related posts

Daw chna Youth Hostel wa ki Floodlight ha Multi Sports Complex Wahiajer: Wailadmiki Shylla  

April 18, 2026

Yaroh u Prestone Tynsong ya ki Jaiñtia wa sñiawthooh ki yei kordor i roi i paar

April 18, 2026

Ka High Court hawa pynmih ya ka hukum da ong ko lada phah kset ya u chynrang kattæ daw ktah ko chiboon ya ki khon wei lada ym em i thut da kawa ujor hoi hi wow pyndam noh ya ka Case.

Sa kawi ka hukum wa da pynmih ha ka 17 tarik uni u bnai, ka kynthai da kyntu ko ya ka High Court wow pyndam noh ya ka FIR wa da booh ha Mawlai Police Station heiwa u chynrang da chah pynngat u hapoh ka Section 5 wa 6 ka POCSO Act, 2012.

Ha ini leh, ka kynthai wa u chynrang da bia ki wei da em ki leh ya u khon uwa ar snem i rta.

Ka kynthai toh kawa da yalang chan wa u chynrang nadooh u October, 2021 heiwa da punkhon ko na oo wei manda khana ko ya oo, da ong u ya ka wow pynhaap khon, kamtæ da ujor ko da ka FIR pyrchah ya oo.

Kamtæ ki pulit da pynman ki yei takit wei da Charge Sheet heiwa ka Case da em hei bichaar u Special Judge (POCSO) nadooh u snem 2024 ha Shillong.

Kini ki ar ngut da bia ki ha u snem 2025 deiwa sakhilang ki manyung mansem ki.

Ka High Court hadien wa da ap yei daw wa da e da chim rai wow pyndam noh ya ka FIR kamjooh yei bichaar ya ka POCSO Case.