theme-sticky-logo-alt
theme-logo-alt
Advertisement ad1
Advertisement ad1

Jop ka AJCA ha ka Inter District U-19 ha Khliehtyrchi

Advertisement ad1
Advertisement ad1
Advertisement ad1

Ka All Jaintia Cricket Association (AJCA) da jop ko ynne ha ka yalehke ka Inter District Under-19 Men’s Cricket Tournament 2022 wada pynlai daka Megahalaya Cricket Association, Shillong chiruplang waka AJCA ha madan Mini Stadium ka chnong Khliehtyrchi, West Jaintia Hills hapoh ka Group B ka Zone-1

Ka AJCA da jop ko yaka South West Khasi Hills Cricket Association (SWKHCA) da 67 Run.

Advertisement ad1

Ya ka kylla khlem da jop da ka AJCA wei da jied ko wow Bat nyngkong heiwa da kamai ko 174 Run deiwa dooh lut ya ki Wicket na waroh ki 35 Over. U Chwamiki Ryngkhlem da ye u kamai 57 Run na ki 78 bol. Neiliang ka South West Khasi CA won u James C Shylla da yoh u u pynhaap 2 Wicket na ki 7 Over.

Hawa beh won ya ka thong, ka South West Khasi CA da ye ko u kamai du 107 Run wei da dooh ko ya waroh ki Wicket hapoh ka 24.5 Over, u Iainehskhem Lyngkhoi da ye u kamai 44 Run naki 34 bol. Neiliang ka All Jaintia CA, u Chwamiki Ryngkhlem da ye u khur 5 Wicket wei e du 18 Run na ki 6.5 Over.

Ya i naam Man of the Match da yoh da U Chwamiki Ryngkhlem yeiwa kamai u 57 Run weiwa pynhaap 5 Wicket.

Share this:
Previous

Jop ka Pasyih, ka Risingsun waka Nonglatem haka 3rd Division ka WJDSA

Next

Ngat sa u SP ka West Jaiñtia Hills ha kiwa chim kabu lyngba u WhatsApp