theme-sticky-logo-alt
theme-logo-alt

Ngat sa u SP ka West Jaiñtia Hills ha kiwa chim kabu lyngba u WhatsApp

Hadien wa da em wa chim kabu yei pyrtuid ki Montri sorkar, ki MLA kamjooh ki DC lyngba u WhatsApp deiwa booh yei dur wa i pyrtuid yong kini ki heh sorkar ha ki Profile u WhatsApp, ha kani ka kynti da ngat sa u SP ka West Jaiñtia Hills District, u Bikram Marak heiwa da em wa booh dei dur yong oo ha ki artylli ki Phone Number.

Katkam wa pyntip ki pulit kini ki number toh u +91-6209750436 wa u +91-9979296405 heiwa da phah Message ki lyngba u WhatsApp pyn cha ki wakreh hi wa u SP deiwa e daw wa boonkaam u kamtæ emkaam yarap jhan na ki.

Kamwa jia ha kiwi leh, ki Message wa da phah hei pyrtuid u SP toh deiwa phah thied ya ki Amazon Pay eGift Cards deiwa e boon ki daw wym ye u u leh da oo hi yeini.

Kamtæ da kyntu ya ki paidbah wow man ki kiwa syndong yow lait u chah chim kabu ha kini ki kaam.

Kam wow pynkynmoo wa ha uni hi u bnai da ngat leh u James Sangma, u Sanbor Shullai wa u Metbah Lyngdoh ha ini i jooh heiwa kini ki bru wa chim kabu da tip chwa ki yei pyrtuid ki wakreh hapoh kini ki heh sorkar iwa da pynman wow ye ki wow chim kabu deiwa yoh yei chaniah kini ki wakreh.

Puræ leh: Phah husiar ki pulit lada yoh Message na kiwa kam toh ki heh sorkar hadooh ki Montri sorkar

Share this:
Previous

Jop ka AJCA ha ka Inter District U-19 ha Khliehtyrchi

Next

Thung ka High Court da u Justice Katakey yow pynsakhiat wa da sangeh i tih mooyong pyrchah aiñ