Ka Albin Lamare Memorial Secondary School Nangbah kam chibynta ka Fete ka skur, haka 9 tarik da pynman ko leh yaka yakob miat kynthai kawa tip kam ka 1st Miss Latuthin 2024.
Ha kani ka yakob, ka Dorachiva Daw kawa na Nangjngi da yoh yei naam Miss Latuthin, yei 1st Runner Up da yoh ka Fortunate Mika Dkhar kawa na Iongkaluh katwa yei naam 2nd Runner Up da yoh Erisa Thubru kawa na Nangbah.
Ka Dorachiva kam kawa jop da yoh ko yaka song poisa kawa Rs. 35,000 wei da jop ko leh yaka Subtitle Miss Personality wa Miss Congeniality.
Ka Fortunate won da yoh ko yaka song poisa kawa Rs. 20,000 kamjooh yei naam Subtitle Miss Traditional Attire katwa ka Erisa won da yoh ko Rs. 10,000 kamjooh yei naam Miss Best Walk.
Ya kani ka yakob da wan wow bichaar da ka Simi Khongtiang kawa chna phlim wa paw naam ka Ri-loom Jaiñtia, Angel Liza Rymbai kwa man kam ka Miss Jowai 2003, u Dr. Kham Chyrmang uwa man kam u Model hapoh ka ri uwa da lai lai chimbynta haka Bangalore Fashion Week, Khadi India Fashion Week uwa da mih dur haka Ajio, Myntra wa u Stylo Label Brand Ambassador, ka Emichwa Daka P Ladia kawa man kam ka Miss Jowai wa katni, u Lalrinzuala Thieite uwa man kam u Finalist ka Man of the World, India, Mr. Attitude King India International 2023 wa uwa sdang yaka One Step-Up Jaintia Model kamjooh leh uwa pynmiat pynphooh wa panbait yei lai i wan (Groomer & Choreographer).
Ha kani ka sngi da wan leh wow pynwyrngia da ki bru kiwa na kylleiñ ki chnong kamjooh kiwa paawnam napoh Ri-loom Jaiñtia nadooh kiwa rwai wa kiwa chaad.
Da em leh 3 ngut ki Showstopper wa kynthup yaka Aishwarya Malang (Miss Teenager Jowai 2022), ka Ribha Rymbai (1st Runner Up Miss Jowai 2023) wa u Emitre Myrphet (2nd Runner Up Mr. Khliehriat 2019).
Discussion about this post