Ka East Garo Hills da wan ko nadien ka Innings nyngkong yow jop da 6 Wicket yaka Tura District Cricket Association-B haka Zone 2 ka Inter-District U-23 Men’s Cricket Tournament wa pynman daka Meghalaya Cricket Association.
Ka TDCA-B da jop ko yaka kylla khlem ha Mendipathar wei da jied ko wow Bat nyngkong, heiwa da kamai ki da 121 deiwa haap lut ki Wicket heiwa u Sengkam Sangma da kamai boon u da 35 Run. Katwa u Prakash da yoh u 3/34 yaka East Garo Hills.
Ka East Garo Hills hawa juab, da haap lut ki Wicket ko deiwa kamai 96 Run, hewia u Prakash Prasad yoh u 44 Run katwa Rashidul da yoh u 2/45.
Kamtæ ka TDCA-B da lai ko cha ka Innings wa ar deiwa tam da 25 Runs tangwa da ye ki wow kamai won du 93 Run deiwa dooh waroh ki Wicket, heiwa u Prakash ha kani ka kynti da yoh u 6/37, iwa da booh yaka East Garo 119 Run yow jop. U Clever Sangma da kamai u 44 Run yow yarap yaka liang yong oo wow poi cha ka thong haka 43.3 Over.
