Ka Efty United XI Mynso da jop ko da 85 Run ya ka Moodymmai Cricket Club ynne ha ka Open to All Cricket Tournament 2023 wa da pynman da ka West Jaiñtia Hills District Cricket Association Jowai ha Madan Khliehtyrshi Mini Stadium.
Ya ka kylla-khlem da jop da ka Efty United XI Mynso heiwa da jied ko u Bat nyngkong wei da ye ko u kamai 263 Run na waroh ki 35 Over deiwa dooh ki 8 Wicket heiwa u Sylvester Mylliempdah da kamai u 127 Run na 83 bol, u Kitboklang Lyngdoh 35 Run na 45 bol wa u Damien Shullai 26 Run na 29 bol. Na kiwa kawang bol ka Moodymmai Cricket Club won kiwa da yoh Wicket toh u Ribok Hynniewta 2 Wicket na ki 7 Over, u Teimi Passah 2 Wicket na ki 7 Over wa u Heimonlang Lyngdoh 2 Wicket na ki 7 Over.
Hawa kdong yei thong, ka Moodymmai Cricket Club da ye ko wow yoh 178 Run na ki 32.3 Over deiwa haap lut ki Wicket waroh, wei da lehbha da u Levester Phawa 50 Run na 35 bol wa u Daowan Passah 38 Run na 44 bol katwa neiliang ka Efty won da ka bol da lehbha u Eleazar C Dkhar uwa da yoh 3 Wicket na ki 7 Over, u Kitboklang Lyngdoh 2 Wicket na 2 Over wa u Sylvester Mylliempdah 1 Wicket na ki 6 Over.
Yei naam Man of the Match da yoh da u Sylvester Mylliempdah yong ka Efty United XI Mynso.
