Ka HUCC da jop ko ynne ha ka lympung yalehke Open To All T20 Cricket Tournament 2022 wa da pynlai daka All Jaiñtia Cricket Association ha Madan Jrisaleiñ, Jowai.
Ha ka yakhun ynne ka sngi kawa man leh ka Semi Final, ka HUCC da yachem ko waka Chutwakhu heiwa ka HUCC da jop ko ya ka Chutwakhu da 5 Wicket.
Ya ka kylla khlem da jop da ka HUCC kawa da jied wow kawang bol nyngkong heiwa da ye ko u pynhaap 7 Wicket na ki 20 Over deiwa yoh u N. Pakyntein 3 Wicket naki 4 Over katwa ka Chutwakhu da kamai ko 148 Run na ki 20 Over deiwa lehbha u Deibormi Rangad uwa da kamai 86 Run na ki 40 bol.
Hawa kdong won ya ka thong, ka HUCC da ye ko u jop deiwa yoh 149 Run na ki 19.3 Over deiwa dooh ko 5 Wicket, heiwa u Kitbok Lyngdoh da kamai u 42 Run naki 36 bol katwa u Defender Dkhar da ye u kamai 34 Run khlem haap. Neiliang ka Chutwakhu, u Deimiki Rabon da yoh u 3 Wicket naki 3.3 Over.
Ya i naam Man of the Match da yoh da u Defender Dhar yong ka HUCC.
Ya ka Semi Final wa ar u man ko haka 05-03-2022 heipor 10:00 waje i step hapyrdi ka Amity (L) Nissan Laloo United waka Moodymmai.
