March 19, 2022
Ka HUCC da jop ko ynne ha ka sngi sdang ka Under-19 Boys Cricket Tournament wa da pynlai daka West Jaintia Hills District Cricket Association (WJHDCA), ha madan Jrisaleiñ Chutwakhu, Jowai.
Ka HUCC (Hill United Cricket Club) da yachem ko waka Khimmusniang heiwa da jop ko da 10 Wicket.
Ya ka kylla khlem da jop daka Khimmusniang wei da jied ko wow Bat nyngkong heiwa da yoh ko 65 Run na ki 14.5 Over deiwa dooh lut ya waroh ki Wicket. U Kenite Bareh da kamai boon dooh u deiwa yoh 13 Run na ki 13 bol. Neiliang ka HUCC, u Maremdor Sutnga, u Neheimaia Gatphoh wa u Chwamiki Ryngkhlem da yoh ki mar 2 Wicket.
Hawa beh won yaka thong, ka HUCC da emkaam ko du 3.4 Over yow jop deiwa kamai 67 Run. U Deilangki Passah da yoh 25 Run na 12 bol, u Heyomiki Ryngkhlem won 24 Run na 9 bol.
Ya i naam Man of the Match da yoh da u Neheimaia Gatphoh uwa da yoh 2 Wicket deiwa e du 4 Run naki 2 Over.
