Ka Environment Cell ka KSU-East Jaintia Hill Unit lyngba u Secretary yong ka, u Phanuel Tongper ynnin ka sngi da ekti ki ya uwi u mrad kloo Slow Loris uwa tip kam u Lor ha ki kattu katni ki thaw uwa da man leh kam u kjait mrad wa da em hei maa wow dooh jait, wei da ekti ya oo cha ka chnat Wildlife.
Ya uni u Slow Loris da wan wow chimkti da u Range Officer, Wildlife Department ka Sonapyrdi.
Uni u Slow Loris toh uwa da chem da kiwa chong chnong ka Umkiang hei miet ka 17 tarik hadien wa wanpoi u chapoh ka chnong.
Neiliang ka chnat Wildlife da pynlait biang ko ya uni u Slow Loris chapoh khloo.
