15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Jop ka Khimusniang ynne haka Open to All T20 Cricket Tournament 2021 yong ka AJCA

Advertisement ad1
Advertisement ad1
Advertisement ad1

Ka Khimusniang da yoh ko yei jop ynne ka sngi ha ka lympung yalehke Open to All T20 Cricket Tournament 2021 wa da pynlai daka All Jaintia Cricket Association ha madan Jrisalein, Jowai.

Kani leh da man ko ka yakhun wa khaddooh yong ka Group Stage heiwa ka Khimusniang da yachem ko waka Hills United Cricket Club, heiwa ka Khimusniang da jop ko da 6 Wicket.

Ya ka kylla-khlem da jop da ka Khimusniang wei da jied ko wow kawang bol nyngkong.

Ka  Hills United Cricket Club da kamai ko 180/7 na ki 20 Over. U Edify Patweth da kamai u 56 (7×4 wa 3×6) katwa u Yoohimitre Patwet won da ye u kamai 31 (3×4 wa 3×6). U Pynilynti Bareh wa u Pynshngain Suchiang yong ka Khimusniang da yoh ki mar 2 Wicket samen. Ka Khimusniang hawa beh yaka thong da ye ko u kamai 181/4 na ki 17.2 Over. U Lumporlan Passah da kamai u 59 (6×4 wa 5×6), u Pynilynti Bareh 51 (4×4 wa 5×6) khlem haap katwa u Nibiangmon Sutnga won da ye u kamai 41 (2×4 wa 4×6). U Edify Patwet yong ka Hills United Cricket Club da yoh u pynhaap 2 Wicket na ki 4 Over.

Hadien wa da dep pynyakhun ya waroh ki yalehke yong ka Group Stage, ka Khimusniang waka Khliehtyrshi kiwa em ha ka Pool A da yoh khur ki mar 4 Point deiwa jop mar arsien, tangwa ka Khliehtyrshi da yoh ko wow psiah cha ka Semifinal deiwa tam yaka Khimusniang ha ka Net Run Rate.

Ka yalehke Semifinal kawa nyngkong u man ko hapyrdi ka 4-Mowkaiaw United waka Umchangiar ha ka 03-04-2021 heipor 9:00 waje i step, katwa ka Semifinal wa ar u man ko hapyrdi ka Rising Star pyrchah yaka Khliehtyrshi Sports Club ha ka 05-04-2021 heipor 9:00 waje i step.

Share this:
Previous

Da em yurim ki paidbah katni yow jied yaka Congress: Ampareen

Next

Chongchit i sdang yalap Election ka Congress ha Mawryngkneng