theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Jop ka Kiang Nangbah haka Science Exhibition ka Thomas Jones Synod College

Advertisement ad1

Haka Inter-School Science Exhibition wa pynman daka Thomas Jones Synod College Jowai, ynne ka sngi hajrong ka phang “Scientific Solutions for Environmental Sustainability” ka Kiang Nangbah Government Higher Secondary School Jowai, da yoh ko yei naam jop, da wan wa ar ka KJP Synod Mihngi Higher Secondary School Jowai wei hei wa le da yoh ka Thomas Jones Synod College Jowai.

I pynman ya kani ka Exhibition toh kam chibynta i lehkmen ka Thomas Jones Synod College yei dap 25 snem i lai luti yong ka u e i stat i tip haka imlang sahlang.

Ki skur wada wan chimbynta ha kani ka Inter-School Science Exhibition kynthup ki ya ka Khliehriat Higher Secondary School Khliehriat, ka KJP Synod Mihngi Higher Secondary School Jowai, ka Govt. Boys Higher Secondary School Jowai, ka JNV Mukhla, ka Thomas Jones Synod College Jowai waka Kiang Nangbah Government Higher Secondary School Jowai.

Haka yalang tbian wada pynman ha Hall yong ka College, ka kongsan, ka B. Blah, Additional Deputy Commissioner WJH kawa man leh ka BDO Thadlaskeiñ da e yaroh ko yaka Thomas Jones Synod College wada khynjoh ko cha u moomær 25 snem heiyatoh u pynku yei stat i tip, kamjooh u pynwandur yaka mynried ki khynnah hei rukom waphær waphær.

I tip i stat ym mut du kat iwa yoh nei puræ lane i yachem yumut hapyrdi kiwa sikai waki khynnah, tangwa ye leh u yoh nei rukom im wei pyrkhat.

Hawa e yaroh ya kani ka College wa da em ko yaka Science Stream, yaroh ko leh wa pynman ko kam kani ka rynsan iwa man ka bynta u wanrah i rukom pyrkhat katkam ka Science, najrong wa kyntu ko ya kiwi won ki skur leh u pynman ki kam kani ka jait rynsan.

Neidaw wa katni duna bha ki khynnah wa chim bynta haki Science Exhibition, pyntip ko wa dang ini wa dep da em ka e sikai wa kyrpang ya kiwa sikai Science haka Block Level wada wan e sikai daka chnat Science & Technology naka State Level.

Ong ko i daw hi wa duna ki khynnah wa chimbynta toh wa hap pynlut boon i buit i bor i wym du naki khynnah tangwa wot kiwa sikai leh hap ki wow yarap u pynyoo buit heiyatoh wow pynkhreh ya kawon kawon ka Project.

Kiwi won wa e i klam ha kani ka yalang kynthup ka Dr. I. Dkhar, Coordinator Academic Activities Committee, u Dr. D.G. Lyngdoh, Principal Thomas Jones wa kiwi.

Share this:
Previous

Pynkup burom u Conrad ya ki khloor yalehke sports yong u snem 2017-2018

Next

Khlaad noh u Ma Kdwing Dhar