July 27, 2022
Advertisement
U montri rangbah ka jylla, u Conrad K Sangma, ynne da pynkup burom u ya ki khloor yalehke sports namo ka Sports Achievers 2017-2018 ha ki jait yalehke waphær waphær ha Soso Tham Auditorium, Shillong hei emlang u montri ka chnat sports ka jylla, u Banteidor Lyngdoh u Commissioner, Sports & Youth Affairs, u Dr. Vijay Kumar wa kiwi kiwi.
U Conrad K Sangma hawa e yei klam da ong u wa ini i pynkup burom toh kam ka dak wow ekhublei ya kiwa da poi ha i thong i jop wei kam ka dak wow yaroh yeiwa da kreh chitom ki hadooh wa da rah naam ki ya ka jylla.
Da ong u wa em chiboon ki bynta kiwa toh u kreh heiyatoh wow kynrong ya ki kaam yalehke sports ha ka jylla wei lyngba ka Sports Policy ka sorkar da ye ko wow leh yeiwa emkaam hajrong kitæ.
Ha kani ka sngi da e ya ki Cheque cha ki 231 ngut iwa kynjoh T. 81,04,250.00 heiwa na kini 73 tylli toh na ki jait yalehke wa tipmit da ka Olympics katwa 158 tylli won ya kiwa ympu tipmit da ka Olympics iwa kynjoh T. 66,96,250.00.
Advertisement
