Ka Open To All 18 Above Football League Knockout Tournament wa pynman da ka West Jaiñtia District Sports Association (WJDSA) da pteiñ ya ka ynne ka sngi da ka yalehke hapyrdi ka Kseh Sylle Ialong waka Mulang Ialong.
Ha kani ka yakhun, ka Kseh Sylle da jop ko ya ka Mulang da 3-2.
Ya ka Kseh Sylle Ialong da thap kool da u Poisuk Dkhar ha ka minit wa 24, u Nangtei Mulieh ha ka minit wa 65 wa u Daker Mulieh ha ka minit wa 69.
Ya ka Mulang Ialong da thap kool da u Tellme Mulieh ha ka minit wa 46 wa 71.
Ka yalehke mynstep ka 11 tarik u man ko hapyrdi ka Caroline SC waka Chilliangraij SC heipor 1:00 waje i sngi.
