Ka Niaw Wasa ynne ka sngi da rem ko ha ka Delhi Football Club da 15-04 iwa da pynkut leh yei lai e reiñ ko ha kani ka Hero Futsal Club Championship 2021-22 deiwa jop chisien, ya drawn chisien wei rem chisien.
Hanla ka yalehke wa pynman ha Delhi ynne da yoo kamwa jem chilliang, ka Niaw Wasa hadooh wa kut ka kylla step da tam ko ya ka Delhi da 3-2 tangwa ha ka kylla miet ka Dehli da thap syndon ko 13 kool katwa ka Niaw Wasa da thap ko du chi kool.
Ha ka kylla step ka Delhi da thap kool nyngkong ko ha ka minit wa 6 lyngba u Rohit wei da ban ko sa kawi ha ka minit wa 10 lyngba u Lalpekhlua tangwa ka Niaw Wasa da su ko le kool ha ka minit wa 10, 15 wa 20 lyngba u Primrose Lamat, u Riburom Jat wa u Civility Khongmalai.
Ha ka kylla miet, u Nikhil Mali uwa thap 5 kool uwa man leh kam u Captain ka Delhi da pynchitom u ya ka Niwa Wasa ym du da ki kool kamjooh leh uwa da e bol yow yoh u thap kool wei da yoh u leh yei naam Player of the Match.
Ya ka kool wa khaddooh ka Niwa Wasa da thap da u Primrose Lamat ha ka minit wa 37.
Da ini i jop, ka Delhi da yoh ko wow psiah Semi Final.
