Jop ka Mamatam Banerjee ya ka Election chiteiñ samoi yow pynskem yei man Montri Rangbah

Ka Montri Rangbah ka West Bengal, ka Mamata Banerjee ynne ka sngi da jop ko ya ka Bhawanipur By-Election da 58,832 Vote.

Ka heh ka TMC da jop ko ya ka kyrtong ka BJP ka Priyanka Tibrewal hadien 21 kylla (Round) i niaw Vote ynne ka sngi Bibar.

Ka Banerjee ha u 2011 da jop ko da 54,213 Vote wei ha u 2016 da jop ko da 25,301 Vote.

Ka Mamata Banerjee da hap ko wow jop ya kani ka Election chiteiñ samoi yow pynskem yei man ko kam ka Montri Rangbah hadien wa rem ko na ka Nandigram Constituency ha ka Election MLA ha uni snem ha u bnai March-April.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hanla kiwa thap Vote kiwa da mih da em ki du 57% tangwa ka Banerjee da yoh ko 70% ki Vote hadien ka Round wa 12 i niaw Vote.

Ka Banerjee da tam ko nadooh ka Round wa nyngong hadien wa kheiñ ya ki Postal Ballot wei da pteiñ ko wow tam katwa i niaw Vote leh da pteiñ i.

Da pynman ya kani ka Election chiteiñ samoi hadien wa u MLA ka TMC u Shobhandeb Chattopadhyay uwa jop na Bhawanipur da 28,000 Vote ini wa dep da ieh noh u ya ini i kaam yow e laad ya ka Mamata wow yakhun na kani ka Constituency.

U Chattopadhyay daw yakhun won u na Khardah wa em ha North 24 Parganas District kawa daw pynman ha ka 30 tarik uni u bnai.

Ka Khardah da man thylli ko hadien wa u MLA ka TMC u Kajal Sinha da khlaad noh u.