U Abhishek Kumar da yoh u 5 Wicket ya ka Meghalaya yow jop suk ya ka Arunachal Pradesh da 8 Wicket ha ka yalehke wa nyngkong ka 1st North East Inter State Friendship Tournament ha Nagaland ynne ka sngi.
Kani ka Tournament toh kawa da pynman da ka North East Cricket Development Committee.
Ha ka yalehke wa nyngkong ka Group A, da hap wow pynslem u sdang neidaw wa jhieh ka madan heiwa da pynduna ya ki Over tangwa ka Arunachal da ye ko wow kamai du 49 na 19.1 Over iwa da ye ka Meghalaya u kdong ha ki 8.5 Over.
U Kumar da yoh u 5/16 na 6 Over, heiwa ya kiwi ki 5 Wicket wa dang sah da yoh mar uwi da kiwi ki 5 ngut kiwa kawang bol. Ya ka Arunachal da kamai boon dooh da u Techi Neri uwa da yoh 11 Run.
Ka Meghalaya da dooh ko ya kiwa sdang yei kamai kitæ u Kishan Lyngdoh wa u Raj Biswa, deiwa kamai du 15 Run tangwa u Arien B Sangma (19 Not Out) wa u Wallambok Nongkhlaw (4 Not Out) da pynjop ki ya ka Meghalaya deiwa yarap ka Arunachal da 17 tylli ki Extra.
Ka Meghalaya kattu daw yachem ko waka Manipur ha kani ka 31 tarik.
