15 49.0138 8.38624 1 0 4000 1 https://wyrta.com 300 0

Jop ka Meghalaya yaka Puducherry haka U-23 Men’s One-Day Trophy

0 Comments

Shillong: Ka Meghalaya da jop ko yaka Puducherry da 71 Run haka U-23 Men’s One-Day Trophy wa pynman ha Cuttack ynne ka sngi da i leh bha u Raghav Kapur da ka Bat kamjooh kiwa kawang bol.

Ini i jop yaka Puducherry hadien wa ynnin da rem ka Senior Team ka Meghalaya haka Puducherry hi haka National T20 Tournament kawa tip ka Syed Mushtaq Ali Trophy.

Ynne ka Meghalaya da jop ko yaka kylla khlem wei da jied ko wow Bat nyngkong. Hadien wa haap smat ki arngut kiwa Bat, da wan u Raghav Kapur wow yow pyn yohlok ya u Rohit Shah heiwa da kamai u Kapur 98 Run katwa u Shah da kamai u 46 Run. Yaka Wicket wa le da kamai lang ki 91 Run wei da yarap sa u Aditya Verma uwa kamai 24 Run yow pynpoi yaka Meghalaya 213/8 na ki 50 Over.

Na kiwa kawang bol ka Meghalaya u Elchiang Momin da pynhaap u yaka Wicket wa nyngkong ka Puducherry haka Over wa soo wei da pynkut u da 1/36 na ki 10 Over.

Ka Puducherry da poi ko 66/6, tangwa kiwa Bat yong ka kiwa em cha tdong da yaleh ki wow pynim yaka kdong yaka thong yow jop tangwa u Anish Charak da ye u wow pynhaap ya kiwa Bat wa sah ka Puducherry wei da yoh ko 142 Run.

Na kiwa kawang da leh bha toh u Anish Charak 3/24, u Arbin Singh 3/28 wa u Akash Choudhary (2/17).

0 Comments

Leave a Reply