Ka 17th U Kiang Nangbah Memorial Trophy kawa man leh ka Super Division Football Tournament 2025 ka West Jaiñtia District Sports Association (WJDSA) dapoi ko cha ka yalehke wa 28 ynne ka sngi kawa man leh ka yalehke wa khaddooh chwa u sdang ki yalehke Semi Final ha ka 5 tarik.
Ha ka yalehke wa da pynman, ka Mooknor Thadmuthlong da jop ko ya ka Ladthadlaboh da 2-1.
Ka Ladthadlaboh da yoh ko wow thap nyngkong lyngba u Siewdorlang Nongtri ha ka minit wa 48 tangwa ka Mooknor Thadmuthlong da su kylliang ko lyngba u Sunidabiang Ymbon ha ka minit wa 58 wei da pynjop da ka kool u Rimiki Suchiang uwa da thap ha ka minit wa 65.
Ka Ladthadlaboh kattu da jop ko le sien, ya Drawn ko ar sien wei rem ar sien, katwa ka Mooknor da jop ko le sien, rem ar sien wei ya Drawn ar sien.
Discussion about this post