Ka 17th U Kiang Nangbah Memorial Trophy kawa man leh ka Super Division Football Tournament 2025 ka West Jaiñtia District Sports Association (WJDSA) u sdang noh ko ya ki yalehke Semi Final kiwa em le tylli kiwa tip kam ki Qualifier wa ka Eliminator.
Ka Semi Final wa nyngkong (Qualifier), u pynman hapyrdi ka Khimusniang wa ka Demthring ha ka 5 tarik heipor 1:00 waje i sngi heiwa ka liang wa jop da yoh ko wow psiah Final.
Ka Semi Final wa ar (Eliminator) u pynman hapyrdi ka Ladthadlaboh SC wa ka Mooknor Thadmuthlong ha ka 6 tarik heipor 1:00 waje i sngi heiwa ka liang wa rem da kut ka lai luti.
Ka Semi Final wa le (Qualifier) u pynman hapyrdi ka liang wa rem ha ka Semi Final wa nyngkong wa kawa jop ha ka Semi Final wa ar wei kiwa jop da yoh ki u psiah Final. Kani ka yalehke u pynman ha ka 9 tarik heipor 1:00 waje i sngi.
Ka Final won u pynman ha ka 13 tarik.
Discussion about this post