Jop ka Nick FC wa ka YBSC Shella ha ka lympung yalehke ka FKJGP

Ka lympung yalehke Football wa tip kam ka 1st U Mar Phalangki Knock Out Football Tournament wa pynman da ka FKJGP Nartiang Unit ynnin ka sngi, ka Nick FC da jop ko ya ka Iawmulong Nartiang da 1-0.

Ya kani ka kool ka Nick FC da thap da u Wanki Supuh ha ka minit wa 68.

Ha yakhun wa ar ka YBSC Shella da jop ko da 2-1 ya ka Young Boy Amlanai. Wei ya ki kool ka YBSC Shella da thap da u Francis Lymphuid wa na u Bryan Shadap, katwa ya ka kool ka Amlanai da thap da u Den Mukhim.

Ka yakhun wa bood u man ko ha ka 22 tarik hapyrdi ka Bisari Wahlusut pyrchah ya ka Kur Dkhar United heipor 11:00 waje i step wei heipor 1:00 waje i sngi won ka Eagle Warrior FC daw yachem ko ya ka 7 Chnong Combine.

Related posts

Khut ka Kyrmen Foundation wa ka Rangdajied United FC ya ki khynnah chynrang wa kynthai ka East Jaiñtia cha ka Trial ka Kynsai Football Coaching

March 17, 2026

District Cricket League: Jop ka Khliehtyrchi wa ka Goodwill Mupliang

March 14, 2026