December 13, 2019

Jop ka Odisha yaka Meghalaya haka U-23 Col CK Nayudu Trophy

by Wyrta Staff

0 Comments

Advertisement ad1

Shillong: Ka Meghalaya da rem ko da 284 Run pyrchah yaka Odisha haka yalehke ka U-23 Col CK Nayudu Trophy wa pynman ha Mangaldai, Assam, ynne ka sngi.

Ka Odisha da kamai nyngkong ko 154 (All Out) hadien wa phah Bat nyngkong ya ki, u Mukesh Ray (5/47) wa u Arbin Singh (4/26) toh kiwa da lehbha na kiwa kawang bol ka Meghalaya.

Ka Meghalaya da ye ko wow kamai du 95 (All Out) ynnin ka sngi heiwa u Yogesh Tiwari da kamai boon dooh u da 30 Run pynbood sa u Anish Charak 28 Run.

Kamtæ ka Odisha da tam ko da 59 Run hawa sdang ki yaka Innings wa ar yong ki kawa phær bak la bak ya kawa nyngkong wei da kamai ki 317 (All Out).

Yaka Meghalaya da booh thong 377 Run yow jop tangwa da ye ki wow kamai du 92 Run.