Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.
Ha ka yalehke wa nyngkong, ka Pasyih Cultural Sports Club da jop ko ya ka Iooksi Youth Welfare da 3-1.
Ya ka Pasyih Cultural Sports Club da thap kool da u Shining Rymbai haka minit wa 9, u Chaniah Dkhar haka minit wa 21 wa u Phem Dkhar haka minit wa 40. Katwa ya ka Iooksi Youth Welfare da thap da u Tympang Tangliang haka minit wa 75.
Ha ka yalehke wa ar, ka Risingsun Mukhla da jop ko ya ka Mookynphad Mihmyntdu da 3-1. Ya ka Risingsun Mukhla da thap kool da u Rimi Pyrtuh haka minit wa 11 wa 58 wa u Disfiveboy Nongrum haka minit wa 23. Katwa ya ka Mookynphad Mihmyntdu da thap da u Arwan Rymbai haka minit wa 61.
Ha ka yalehke wa khaddooh won, ka Nonglatem da jop ko ya ka Mukhla Umlangshor da 1-0 lyngba ka kool wa thap da u Tommy Lamare ha ka minit wa 69.
Mynstep leh daw pynman le tylli hi ki yalehke wa daw sdang daka Mookaswan Dongwah waka Madankynsaw Mookyndeng heipor 11:00 waje i step, heipor 1:00 waje won daw yachem ka Samaro FC waka Maitchaphrang Mootyrshiah wei daw pynkut daka Loompyrdi Iongpiah waka Madan Thadmuthlong heipor 3:00 waje noh chariñ ka sngi.
