Ka 8th U Kiang Nangbah Memorial Inter Office Football Tournament 2021 kawa da pynman da ka Meghalaya State Government Employees’ Federation, Jaiñtia Unit ha Kiang Nangbah Stadium, Jowai da pteiñ ya ki yakhun Quarter Final kawa ar ynne ka 3 tarik heipor 10:00 waje i step.
Ynne ka yakhun Quarter Final toh hapyrdi ka Veterinary waka Police (WJHD) heiwa ka Police da jop ko da 6-1.
Ha ka kylla step ka Police da thap ko 3-0 wa kynthup ya kawi kawa thap bakla pyn da uwa yalehke ka Veterinary. Ha ka kylla miet ka Police da thap ko sa 3 kool heiwa ka Veterinary da ye ko wow su du chi kool donhi.
Kiwa thap kool ya ka Police toh u Bisharlang Kharumnuid ha ka minit wa 22,51 wa 72, wa u Everest Rynjah ha ka minit wa 30 wa 69.
Ya ka Veterinary da thap kool da u Jeffrey Darnei (OG) ha ka minit wa 36 wa u Riewympher Syngkon ha ka minit wa 80+2.
