theme-sticky-logo-alt
theme-logo-alt
Advertisement ad1

Ka Umngot Water Sports Festival ha Shnongpdeng kam chibynta i lehkmen dap 50 snem ka jylla

Kam chibynta i lehmkem yei dap 50 snem ka jylla deilang wa i lehkmen yei dap 75 snem ka ri India iwa da e pyrtuid Azadi ka Amrit Mahotsav, neiliang ka chnat Arts & Culture, Department of Sports & Youth Affairs, Meghalaya, Shillong deiwa ya krehlang wa u Sub-Divisional Officer (Civil), Amlarem Sub-Division Amlarem waka Seng Samla Shnongpdeng Cultural & Sports da pynman ki ya ka tamasa wa chi sngi kawa da e pyrtuid Umngot Water Sports ha Shnongpdeng.

Neiliang u Montri ki kaam pohyung, u Lahkmen Rymbui da wan u wow chimbynta kam u kongsan deiwa emlang u Commissioner & Secretary ka Arts and Culture Department, ka sorkar Meghalaya, u F.R. Kharkongor, ka Secretary & Director, Information & Public Relations, ka M. War Nongbri, u Assistant Director Sports & Youth Affairs, u P.B. War Nongbri, u Sub-Divisional Officer (Civil), Amlarem Sub- Division, u Abhilash Bhandaral wa u West Jaiñtia Hills Superintendent of Police, u B. Marak.

Hawa e yei klam, u Montri da yaroh u yei kreh chitom ka chnat Arts & Culture Department, u Sub Divisional Officer, u District Sports Officer wa ka Seng Samla Shnongpdeng Cultural & Sport wa da seiñdur ki ya kani ka tamasa ha ka wah Umngot ha Shnongpdeng.

Da ong u wa ka Shnongpdeng, ka wah Umngot ym emkaam de wow lai pyntipmit ka wei da man ko ka thaw uiñke suwari wa pawnaam, tangwa emkaam wow pynman ya ka ka thaw wa khooid deiwa pynmyllien yei lehkhooid wei wow tip kammon wow pdiang ya ki bru yow man i por wa pynlut ki iwa sahkynmoo ya ki.

“Kam kiwa chong chnong da emkaam wow pynchlur u chimbynta ha ki kaam pynroi wa ki kaam kyntu wa da wanrah da ka sorkar deiwa pynkylla leh yei rukom pyrkhat,” da ong u Montri.

Da kdaw u leh wa ka sorkar da pynlait poisa ko T. 20 lak yow chna pynmiat ya ka yingkieñ doi-doi wa em ha Shnongpdeng.

Neiliang u FR Kharkongor da pyntip u wa i thong kani ka tamasa toh wow pynku ya ki kaam uiñke suwari kamjooh ya ki jait yalehke wa tip kam ki Water Sports hapoh kani ka thaaiñ. Da khut u leh ya kiwa chong chnong wow ya krehlang ki wa ka sorkar yow yoh chooh chooh ya ki kaam pynroi.

Hachwa ini, neiliang u Sub-Divisional Officer, u Abhilash Bhandaral da pdiang sñiawbha u ya waroh cha kani ka tamasa.

Ha kani ka sngi da pynman ya ka yakob kiñlieñ, yimpa, ka Water Polo, i pynyoo rong da ki lien (Boat Tableau Presentation) wei da em leh ka yaleh Zip Lining.

Hawa kut da pynman leh yei saam khusnaam cha kiwa jop ha kini ki yakob waphær waphær.

Share this:
Previous

Jop ka Police ya ka Veterinary ha ka Inter Office

Next

E khublei ka JYF Jowai Circle ya ki sahep ka PWD