Ka 8th U Kiang Nangbah Memorial Inter Office Football Tournament 2021 kawa da pynman da ka Meghalaya State Government Employees’ Federation, Jaiñtia Unit ha Kiang Nangbah Stadium, Jowai da sdang ko ya ka yakhun Semi Final wa nyngkong ynne ka 9 tarik heipor 12:30 i sngi.
Kani ka Semi Final toh kawa da pynman hapyrdi ka Police waka Medical kawa jop da ka Police da 3-1.
Ha ka kylla step, ka Medical da yoh ko wow thap kool nyngkong ha ka minit wa 9 lyngba u Nehlang Bareh tangwa ka Police da su kylliang ko da ar kool lyngba u Ram Dkhar ha minit wa 19 wa u Meker Suting ha ka minit wa 30 iwa da pynkut ya ka kylla sept da 2-1.
Ha ka kylla miet, ka Police da yoh ko wow ban sa chi kool ha ka minit wa 82 wa thap biang da u Ram Dkhar.
