Ka 40 Above Veteran Knockout Football Tournament-2022 ka West Jaiñtia District Sports Association (WJDSA), ynne da sdang ko ya ki Quarter Final kiwa ar tylli.
Ha ka yalehke wa nyngkong ka Mawryngkneng FC da jop ko ya ka Catholic Youth da 10-1.
Ya ka Mawryngkneng da thap kool da u Ngietlang Sutnga ha ka minit wa 12 ,13, 24 wa 45, u Goldenstar Mukhim ha ka minit wa 39, u Kitbok Pyngrope ha ka minit wa 36, 46 wa 75, u Elphidius Wanshong ha ka minit wa 49 wa u Talme Warjri ha ka minit wa 79. Katwa ya ka Catholic Youth da thap kool da u Tikiboru Pale ha ka minit wa 60.
Ha ka yalehke wa ar, ka Friends United da jop ko ya ka Mawlai da 2-0 da ki kool wa thap u Arhius Nongbet ha ka minit wa 50 wa u R. Gurung ha ka minit wa 68.
Mynstep u pteiñ biang ya ki yalehke Quarter Final hapyrdi ka Real OIG waka Rympei heipor 1:00 waje i sngi wei daw pynbood won da ka Western United waka 12 Dalloi heipor 3:00 waje noh chariñ ka sngi.
