Shillong: Ka yalehke wa nyngkong ka Meghalaya State League (MSL) 2019 wa pynman ha madan ka Mawkyrwat District Sports Association ynne ka sngi da sakhi yei jop ka Rangdajied United yaka Mawkohphet da 3-1.
U Raikutshisha Buam da thap u yaka Corner ka Rangdajied haka minit wa 3, haka minit wa 29 u Stephanson Pale da thap u sa chi kool. Hadien chi minit ka Mawkohphet da yoh ko wow su chi kool lyngba u Wellbokstar Iawphniaw.
Ka Mawkohphet da yaleh ko katwa ye yow su sa chi kool tangwa ka Rangdajied da ye ko wow khanglaad yaka wei da pyntikna yei jop daka kool u Atlanson Kharmaw (90’+3).
U Aenam Jyrwa yong ka Rangdajied da yoh u yei naam Man-of-the-match wei yaka khusnam da saam da u Sports & Youth Affairs Minister, u Banteidor Lyngdoh, uwa man leh kam u kongsan ha kani ka sngi wai pyrda. Da saam u leh ya ki Cheque wa T. 2 Lak cha waroh ki Association yow kyrchaan ya ki ya ki Tournament wa da dep pynman ki.
Ki yalehke mynstep man ki kamni ha wah:
Group A (Jowai) – Shillong Lajong vs Umkaber (10:30AM); Lawbah vs Royal FC (1:30PM)
Group B (Khliehriat) – Sutnga vs Mynthong (10:30AM); Umladkhur vs Jalaphet Bri-Sumer (1:30PM)
Group C (Mawkyrwat) – Nongdaju Seng Samla vs Khliehmawlieh (1PM)
Group D (Resubelpara) – Resu Conventus vs Niaw Wasa (10:30AM)
Photo Caption: U Aenam Jyrwa heipor wa pdiang u yaka khusnam Man-of-the-match na u Sports & Youth Affairs Minister, u Banteidor Lyngdoh .
Discussion about this post