Ka lympung yalehbol ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ da pteiñ biang ya ka ynne ka sngi da ki le tylli ki yalehke.
Ha ka yalehke wa nyngkong hapyrdi ka Ratacherra CSC waka Lum Myrli FC, da jop da ka Ratacherra da 2-1. Ya ki kool ka Ratacherra da thap da u Pynsahsyorlang Rupsi ha ka minit wa 43 wa 53 katwa ya ka Lum Myrli da thap da u Jonah Rymbai ha ka minit wa 52.
Ha ka yalehke wa ar hapyrdi ka Marchaphrang YSC Donaskur waka Borsora FC da jop da ka Donaskur da 1-0 lyngba ka kool wa thap da u Michak Muksor ha ka minit wa 8.
Ha ka yaleh wa le hapyrdi ka YWSC Kuliang waka Brichyrnot B, da jop ka Kuliang da 1-0 da ka kool wa thap da u Kam Dhar ha ka minit wa 16.