Ynne ka sngi haka Open to All T20 Cricket Tournament 2021 yong ka AJCA, da pynman artylli ki yalehke kiwa da jop daka Rising Star waka Khliehtyrshi Sports Club kiwa pynman ha madan Jrisaleiñ, Jowai.
Ka Rising Star da yachem ko waka Lion Sports & Youth Affairs heiwa ka Rising Star da jop ko da 6 Wicket.
Ya ka kylla-khlem da jop da ka Lion Sports & Youth Affairs kawa da jied wow Bat nyngkong wei da ye ko wow kamai 127 Run na ki 20 Over deiwa dooh 6 Wicket. U Kitboklang Rngad da kamai u 34 Run (3×4 wa 1×6), u Jemi Laloo won da ye u kamai 27 Run (6×4). Ka Rising Star hawa beh ya i thong da ye ko u kamai 128 Run na ki 12.2 Over deiwa dooh 4 Wicket. U Yutang Kma da kamai u 69 Run (5×4 wa 7×6), u Ben Nongtdu won da ye u kamai u 19 Run (3×4) khlem haap. U Dauni Laloo yong ka Lion Sports and Youth Affairs da yoh u pynhaap 2 Wicket na ki 3 Over.
Ha ka yalehke wa bood, ka Khliehtyrshi Sports Club da yachem ko waka Khimusniang heiwa ka Khliehtyrshi da jop ko da 5 Wicket.
Ya ka kylla-khlem da jop daka Khimusniang wei da jied ko wow Bat nyngkong deiwa kamai 143 Run na ki 20 Over deiwa dooh 8 Wicket. U Nibiangmon Sutnga da kamai u 32 Run (2×4 wa 3×6), u Daohi Passah won da ye u kamai 22 Run (5×4), u Timi Ryngkhlem yong ka Khliehtyrshi Sports Club da yoh u wow pynhaap u 3 Wicket na ki 4 Over. Ka Khliehtyrshi Sports Club hawa beh yei thong da ye ko u kamai 146 Run na ki 19.1 Over deiwa dooh 5 Wicket. U Conard R Sana da kamai u 65 Run (8×4 wa 4×6), u Hopper Rymbai won da ye u kamai u 51 Run (6×4 wa 2×6) khlem haap. U Pynilynti Bareh wa u Jeffrey Litting yong ka Khimusniang da yoh ki u pynhaap mar 2 Wicket samen na ki 4 Over.
Ka yalehke wa nyngkong mynstep ka sngi (25-03-2021) u man ko hapyrdi ka Ummulong wa ka Chutwakhu heipor 9:00 waje i step, katwa ka yalehke wa bood u man ko hapyrdi ka 4-Mowkaiaw United pyrchah yaka Hills United Cricket Club.
