Ynne ka sngi ha ka lympung yalehke Cricket wa tip kam ka 1st Mowkaiaw Constituency Premier League Cricket Tournament 2021 wa pynman ha Madan Mukhap. Ha ka yakhun wa nyngkong da pynman hapyrdi ka Royal Challenger wa ka Knight Rider.
Ka Knight Rider da booh thong ko 143 Run deiwa dooh 7 Wicket na ka 20 Over heiwa u Kaidamang Dkhar toh uwa da yoh boon Run dooh itæ 79 Run katwa kiwa yoh Wicket na ka Royal Challenger toh u Five-Star Suiam, u Mewan Suchiang wa u Biang Suchiang kiwa da yoh mar 2 Wicket.
Ka Royal Challenger da jop ko ya ka Knight Rider da 3 Wicket deiwa sah sa 4 bol heiwa kiwa kamai Run boon dooh toh u Jesamy Bhoi uwa da yoh 28 Run katwa uwa yoh boon Wicket dooh na ka Knight Rider toh u Balambha 3 Wicket wa u Mardawanbiang Suchiang 2 Wicket.
Ya i naam Man of the Match da yoh da u Kaidamang Dkhar uwa da yoh 79 Run.
Ha ka yalehke wa ar hapyrdi ka KingXI pyrchah ya ka Super King, ka Super King da booh thong ko 184 Run heiwa kiwa kamai Run boon dooh toh u Eleazer C Dkhar uwa da yoh 59 Run katwa kiwa yoh Wicket boon dooh dooh na ka KingXi toh u Kitkupar Tang (3) wa u Lamshwa Biam (2) Wicket.
Ka KingXI hawa kdong yei thong da dooh ko waroh ki Wicket hapoh 16 Over deiwa yoh 128 Run wei da jop noh ka Super King da 66 Run heiwa u Luckystar Tang da kamai boon Run dooh u deiwa yoh 44 Run wei kiwa yoh Wicket boon dooh toh u Eleazer C Dkhar uwa da yoh 4 wicket wa u Kitbor Lyngdoh uwa da yoh 3 Wicket.
Ya i naam Man of the Match ha ka yaleh da yoh da u Kaidamang Dkhar uwa da kamai 79 Run na ka Knight Rider wei na ka Super King da yoh da u Eleazer C Dkhar uwa da yoh 59 Run wa 4 Wicket deiwa e 20 Run na ki 4 Over.
Haka 27 tarik ka yalehke u man ko heipor 8:30 i step hapyrdi ka Super King pyrchah ya ka Knight Rider iwa daw bood won sa ka Royal Challenger pyrchah ya ka Sunrise heipor 12:00 waje i pyrdi sngi.
