15 49.0138 8.38624 1 0 4000 1 https://wyrta.com 300 0
Advertisement ad1

Jop ka Rymbai Wahshnong SC haka Elimination Round ka Super League ka EJHDFA

0 Comments
Advertisement ad1
Advertisement ad1

Jowai: Ka yalehke Super League 2019 ka East Jaiñtia Hills District Football Association, (EJHDFA) kawa tip leh kam ka “Shri. Kyrmen Shylla Contribution Trophy” da jan poi ko cha wakut. Ynnin ka 2 tarik haka yalehke Elimination Round da pynman hapyrdi ka Rymbai Wahshnong SC pyrchah yaka Thangskai SC.

Ka yalehke da pynhun ko ya kiwa wan paitke heiwa waroh arliang da pynyoo ki yei sap wow e bol na uwi cha uwi wa yalehke iwa da pynpyrkhat arsien yaka sap kiwa yalehke ka District lada yoh ki yaka madan yalehke kawa biang.

Haka kylla step ka bol da lait ko na kti uwa yang kool ka Thangskai Tiger SC kawa chut u Dangai Rymbai, ka Rymbai Wahshnong SC wei da psiah ko chapoh ka jaar wei kani ka kool da neh ko hadooh wa kut ka kylla step da 1-0.

Ka Thangskai Tiger SC, haka kylla miet, da yaleh sakhiat ko wow yoh u su kylliang yaka chi kool heiwa da yoh ko wow ksoh yaka bol 70/80% tangwa ka Rymbai Wahshnong SC da ye ko wow khanglaad hadooh wa kut ka kylla miet.

Da ini i jop, ka Rymbai Wahshnong SC daw yachem ko waka Sutnga SSCC haka Qualifier Round -2, ka wow pynman haka 06-11-19 ha i por 1:45 i sngi ha madan ka Association wei kat kiwa jop daw yachem ki waka Khliehriat West FC ha Final ka Super League 2019.

Advertisement ad1

0 Comments

Leave a Reply