Ka Independence Day Cup Under-17 Football Tournament-2022 ka West Jaiñtia District Sports Association (WJDSA) ynne ka sngi da poi ko cha ka sngi wa ar da ar tylli ki yalehke.
Ha ka yalehke wa nyngkong, ka Sabahmuswang da jop ko ya ka Nangbah Sports Association da 2-0 da ki kool wa thap u O.P. Shylla ha ka minit wa 54 wa 60.
Ha ka yalehke wa ar, ka Ladthadlaboh da jop ko ya ka Mookynphad Mihmyntdu da 2-0. Ya ki kool da thap da u Shanki Amrymsong ha ka minit wa 18 wa u Samson Swer ha ka minit wa 25.
Mynstep ka yalehke u man ko hapyrdi ka Saindur Mihmyntdu waka Chutwakhu heipor 10:00 waje i step wei daw pynbood da ka Lions Sports & Youth Affairs waka Mulang Ialong heipor 11:30, ka Nangbah Mulang waka Dulong heipor 1:00 i sngi wei daw pynkut da ka Lumpyrtuh Mihmyntdu waka Khimusniang heipor 2:30 i sngi.
