Ki yalehke yong ka Second Round da pteiñ ynnin ka 19 tarik ha ka lympung Cricket ka Seiñraij Niamtre Ummulong kawa tip kam ka Ram Sing Lamare Cricket Tournament Cup 2021, ki yaleh da man ki hapyrdi ka Soomer pyrchah ya ka Rising Star katwa ka Umchangiar da yaleh pyrchah ko ya ka Tiger Head.
Ha kani ka sngi ka yakhun da man ko kawa yoosuk bha heiwa ki arliang da yaleh bha ki wow pynyoo ya i sap yong ki wei hawa kut ka Soomer da jop ko da 24 Run ya ka Rising Star katwa ka Umshangier da jop ko da 5 Wicket ya ka Tiger Head.
Uwa kamai boon Run dooh toh u Lakhon uwa da yoh 51 Run, bood sa u Teibok uwa da yoh 50 Run na ka Umchangiar katwa u Bhalang Phawa da yoh u 38 Run na ka Soomer.
Kiwa kawang bol wa ye u pynhaap boon Wicket dooh toh u Saurav Singh na ka Soomer katwa u Heipormi Laloo wa u Edify Patwet da yoh ki mar 3 Wicket na ka Umchangiar.
Ya ka Quarter Final u sdang wow pynyaleh nadooh ka 22 tarik uni u bnai.
