Ka phlim Jaiñtia wa dang pynmih thymme kawa pyrtuid ‘Ka Nongmuna’ wa da pynwandur da ka RJ Musical Wonders deilang wa ka Neighbourhood Boyz Production daw pynyoo biang ya ka sa chisien sa ha Yungwalieh ka chnong Loompyrdi Iongpiah, Jowai ha ka 6 wa 7 tarik uni u bnai katkam i por wa da kdaw ha wah:
06-09-2025 (Saturday) – 1st Show: 2:00 PM, 2nd Show: 5:00 PM, 3rd Show: 8:00 PM
07-09-2025 (Sunday) – 1st Show: 2:00PM, 2nd Show: 5:00PM, 3rd Show: 8:00PM
I dor ki Ticket toh du Rs. 100 donhi.
Kam wow pynkynmoo wa ya kani ka phlim dadep wow pynyoo paidbah ya ka ha Yungwalieh ka chnong Panaliar, Jowai nadooh ka 8 tarik u Naisaphra hadooh ka 11 tarik u Naisaphra.
Ka phlim Nongmuna toh kawa em chiboon i sneiñ i kroo nadooh ki khynnah, ki khynroo khyllood hadooh ki manbei manpa weiwa da yoh bha ko yei yaroh na kiwa boon walang wa wan pait ya ka, kam kawi na ki phim Jaiñtia wa yoosuk bha weiwa e ko leh ya ka nuksa wa miat wa bha neibynta i manbru longbru samen samen kamjooh ha-yung ha-sem wa ha ka imlang sahlang.
Ha kani ka phlim da chimbynta leh da kiwa ak phlim wa chyrkhei weiwa da bna naam bha ha Ri Jaiñtia kam u Ma Konel Phira wa yatip paidbah i kam u “Ma Slaek’, ka Kong Phelima Sumer wa jooh tip i kam ka “Kong Tiaw’, u Ma Heisa Lato wa jooh tip i kam u ‘MDC khlieh blang’ kamjooh leh u Ma Careme Phawa, ka Warisa Sumer, ka Iairi Sumer najrong kiwi kiwi.
Ya ka Trailer kani ka phlim kamjooh ya ki Review na kiwa dadep pait ya ka phlim ye phi u pait ha ka YouTube Channel: RJ Musical Wonders.
Kiwon kiwon ki chnong namo ki seiñ wa kwah u Book næ u pynyoo paidbah ya kani ka phlim cha ki chnong ki thaw yong ki, ye ki u Phone ha kini ki Number: 9863178496/ 9774036082/ 8132855487.
Discussion about this post