Ha ki ar tylli ki yalehke ka Open to All T20 Cricket Tournament 2021 ka AJCA kiwa da pynman ynne ka sngi, da jop ka Ummulong waka 4-Mowkaiaw United.
Ka Ummulong da yachem ko waka Umchangiar hei por 9:00 waje i step, heiwa ka Ummulong da jop ko yaka Umchangiar da 9 Wicket.
Yaka kylla-khlem da jop daka Umchangiar wei da jied ko wow Bat deiwa kamai 104 Run na ki 20 Over wei da dooh ko 8 Wicket. U Chwamiki Paswet da kamai u 37 Run (4×4 wa 1×6), u Kuneki Lato won da ye u kamai 15 Run (2×4), u Calmlyone yong ka Ummulong da yoh u 2 Wicket na ki 4 Over. Ka Ummulong hawa beh yaka thong da ye ko u kamai 108 Run na ki 11.3 Over deiwa dooh 1 Wicket. U Chongtre Lamare da kamai u 36 Run (5×4 wa 2×6), u Calmlyone Passah won da ye u kamai 24 Run (5×4). U Heipormi Laloo yong ka Umchangiar da yoh u pynhaap 1 Wicket na ki 4 Over.
Ha ka yalehke wa bood, ka 4-Mowkaiaw United da yachem ko wa ka Moodymmai heiwa ka 4-Mowkaiaw United da jop ko da 8 Wicket.
Ya ka kylla-khlem da jop da ka Moodymmai wei da jied ko wow Bat nyngkong deiwa ye ko u kamai 68/10 na ki 17.2 Over. U Teimiki Passah da kamai u 18 Run (3×4), u Aries Pyrtuh 15 Run (2×4 wa 1×6), u Ardakini Rymbai yong ka 4-Mowkaiaw United da yoh khur u 3 Wicket na ki 3 Over. Ka 4-Mowkaiaw United hawa beh yei thong da ye ko u kamai 74 Run na ki 10.4 Over deiwa dooh 2 Wicket. U Ardakini Rymbai da kamai u 31 Run (3×4 wa 2×6), u Eleazer Dkhar won da ye u kamai 14 Run (2×4 wa 1×6). U Drowan Passah yong ka Moodymmai da yoh u pynhaap 1 Wicket na ki 4 Over.
Ka yalehke wa nyngkong mynstep ka sngi (24-03-2021) u man ko hapyrdi ka Rising Star wa ka Lion Sports and Youth Affairs heipor 9:00 waje i step, katwa ka yalehke wa bood u man ko hapyrdi ka Khimusniang pyrchah yaka Khliehtyrshi Sports Club.
