U Montri ka chnat i chait i khiah ka Meghalaya u A L Hek, ynne ka sngi da wai u ya ki kaam e chakri paidbah wa thymme ha Reid Provincial Chest Hospital, Shillong. Deiwa em leh ka yalang wa tbian yow lehkmen yei dap 2 snem i pynkrehkaam ya ka MHIS-PMJAY ha kani ka Hospital.
U A L Hek hawa e yei klam da yaroh u ya ki wakreh kani ka Hospital kiwa da e lut katwa ye i bor ki. Da pynsñiaw u leh yei kmen wa da pynkrehkaam ya ki 9 tylli ki jait kaam e chakri wa thymme wei ka poisa yow yoh u thied ya ki tiar kiwa dang thymme toh kawa da pynmih napoh ka MHIS khlem da emkaam wow yoh yarap naka sorkar.
U Hek da kdaw u leh yeiwa bha wa da leh ki Doctor wa ki wakreh ka Hospital yow wanrah ya itæ i thaw kreh thaw sumaar wa chngaaiñ iwa da wanrah kylla yei yoh kyrmen kiwa wan chah sumaar. Da ong u leh wa kani ka Hospital da dep man ko leh kam ka Corona Care Centre heipor wa joor ka khlam ynnin u snem.
Ki chakri e sumaar wa dang thymme wa da wai ynne ka sngi toh ha High Dependency Unit (TB), High Dependency Unit (Non TB), Casualty Ward, State of the art X-ray Department, Renovated PMJAY Wards, CCTV Monitoring System, Hospital Management Software System, Bronchoscopy Center wa Truenat Room.
Da e khusnaam leh cha ki wakreh ka Hospital neibynta i kreh chitom ki heipor wa em ka khlam COVID-19.
Kiwi de kiwa klam ha kani ka sngi toh u Dr. A Warr, DHS (MI), Dr. J Lakiang, Medical Superintendent R.P. Chest Hospital wa Dr. B. Thangkhiew, Additional MS R.P. Chest Hospital.