Ka yalehke wa dang sah hapyrdi ka Umshangiar waka Lion Sports & Youth Affairs (LSAYA) kawa da hap ieh khlem pyndep haka 11 tarik neidaw wa pynthut u slap, da pyndep yaka ynne ka sngi ha madan Jrisaleiñ, Jowai kam chibynta ka T20 Open to All Cricket Tournament wa pynman daka AJCA.
Neiliang ka Umshangiar da ye ko wow jop ya ka Lion Sports & Youth Affairs (LSAYA) da 95 Run.
Kam wow pynkynmoo wa ya ka kylla khlem da jop da ka LSAYA wei da jied chwa ko kawang bol. Ka Umshangiar da kamai ko 233 Run na ki 20 Over deiwa dooh ko 5 Wicket heiwa u Marshal Pariat da yoh u 100 Run.
Hawa beh ya ka thong, ka LSAYA da yoh ko 54 Run na ki 8.3 Over deiwa dooh ko 3 Wicket chwa wow haap u slap wei da hap pynsangeh yaka yalehke.
Hawa pteiñ yaka yalehke ynne, ka LSAYA da ye ko wow kamai 84 Run na ki 11.3 Over deiwa dooh sa 4 tylli ki Wicket. Hawa kheiñlang, ka Lion Sports & Youth Affairs (LSAYA) da kamai ko 138 Run na ki 20 Over deiwa dooh 7 Wicket. U Marbiang Bareh da kamai boon dooh u yaka Lion deiwa yoh 44 Run (7×4 wa 1×6).
