Jop ka YC Sohmynting ya ka 7 Wasa ha ka Super Division ka WJDSA

Ka 17^th U Kiang Nangbah Memorial Trophy kawa man leh ka Super Division Football Tournament 2025 ka West Jaiñtia District Sports Association (WJDSA) dapoi ko cha ka yaleh wa soo ynne ka sngi.

Ha ka yalehke wa da pynman, ka Youth & Cultural Sohmynting da jop ko ya ka 7 Wasa United da 2-1. Ya ka Sohmynting da thap da u Damang L Pyrtuh ha ka minit wa 39 wa u Kamwadamonmi Pamthied ha ka minit wa 66 katwa ya ka 7 Wasa United da thap da u Jeff K Rymbai ha ka minit wa 23.

Ka yalehke wa bood u pynman mynstep hapyrdi ka Mooknor Thadmuthlong wa ka Nangbah Mulang heipor 2:00 waje i sngi.

Ynne da pynman leh ka yalehke ka 1st Women’s League Football Tournament 2025 heiwa ka Catholic Youth da jop ko ya ka Sabahmuswang da 1-0 da ka kool wa thap da ka Meriful Dkhar ha ka minit wa 40.

Related posts

Khut ka Wahiajer Sport Club cha ka Football Trial yow jied ya kiwa yalehke Super Division

July 9, 2026

I pyntip wa emkaam cha ki Team, ki Club wa em hapoh ka Thadlaskein Sport Association

July 8, 2026