U CEM ka JHADC, u Thombor Shiwat da ong u wa ka JHADC da tipmit wei pynskem ko da slem ya ka chnong Lapangap wa em ko hapoh u pood u ang ka Council.
Da ong u wa da khyrngiat wa mih syndet i jia kattæ heiwa ki paidbah ka chnong da chah khanglaad chah pyndik ki ha ki bru kiwa na Assam.
Hawa klam ynne ka sngi, u Thombor da ong u wa i wan pyndik ki Karbi ya ki warep ha katai ka thaaiñ ye wow man na ki daw wow chim kabu ha ini i pyrchang ki sorkar wow pynbait ya u pood u ang.
Da ong u wa ka JHADC dadep e Sanad ko ya u waheh chnong nadooh nachwa ha chnong Lapangap wei i pynbaad wa ka Council ym em leh ko iyi iyi toh i wym ye u pdiang.
Da ong u wa wot ki chnong kiwa haap rap jngai hapoh ka Block-I leh ka JHADC da e Sanad ko wei da pynkhai im deiwa e Sanad ya ki waheh chnong.
Heiyatoh wa ki thaw rep, u CEM da ong u wa em leh ki lyngkha ki bru na Lapangap kiwa em cha ki thaw wa haap cha Assam leh.
Discussion about this post