Ka Zemabawk YMCA na Mizoram da rah ko yei naam Champion deiwa pynrem ya ka Laitlyngkot YMCA na Meghalaya da 4-3 ha ka yakhun Final ka 2nd North East Region YMCA Futsal Tournament 2025 kawa pynman da ka Jowai City YMCA ha ka 1 tarik wa 2 tarik uni u bnai ha madan Charlton Arena wa em ha Moosalyngkat, Jowai.
Ha uni u snem da wan chimbynta da ki 8 tylli ki YMCA Team na kylleiñ ka thaaiñ kiwa kynthup ya ka Aizwal YMCA, Nongtalang YMCA Team A & Team B, Zemabawk YMCA, Laitlyngkot YMCA, Jowai City YMCA Team A & Team B wa ka Shangpung YMCA.
Najrong ki khusnaam wa da e cha ki ar tylli ki Team wa poi Final, da saam leh kiwi ki khusnam heiwa yei naam Best Debut Team da lai cha ka Aizwal Team, inaam Best Futsal Team da lai cha ka Laitlyngkot Team.
I naam Player of the Tournament da yoh rah da u Lalram Sanga yong ka Zemabawk Mizoram.
Discussion about this post