Jowai: Hadien wa dadep pynman ya ki jar jiar ki yakob hapoh ka Mission Football Tournament ka sorkar jylla nadooh ki District wa ki Zone hapoh ki jar jiar ki District, ynne ka sngi da sdang noh ya ka State Level Mission Football ha Shilong kawa da wan chimbynta ki dhab na ki 11 tylli ki District ha ki kyrdan waphær waphær wa kyntup ya ka Under-15 Girls, Under-15 Boys, Under-18 Girls wa Under-18 Boys heiwa waroh da em 44 tylli ki dhab wa chimbynta.
Ya kani ka lympung toh kawa da pynman da ka Directorate of Sports and Youth Affairs Meghalaya Shillong ka wow pynkut ha kani ka 28 tarik.
Kiwa mihkhmat na West Jaiñtia Hills man ki kamni hawah:
- U-15 Girls wa mihkhmat da ka Khimusniang Sports Club
- U-15 Boys da mihkhmat da Ka Chilliangraij Sports Club.
- U- 18 Girls da mihkhmat da ka Mookyndur Sports Social & Cultural Club.
- U-18 Boys da mihkhmat da ka St. Dominic HS School Mookyndeng.
Ki dhab na West Jaiñtia Hills ha ki le tylli ki yahlehke wa yaleh ki ynne da jop lut ki.
Ha ka Under 15 Girls ka Khimusniang da jop ko ya ka North Garo Hills, Resubelpara da 3- 0.
Ha ka Under 15 Boys ka Chilliangraij da jop ko ya ka Ribhoi, Nongpoh da 1-0.
Ha ka Under 18 Boys ka St. Dominic Higher Secondary School Mookyndeng da jop ko ya ka South Garo Hills, Baghmara da 6-0.
Ya ki Result yong kiwi kiwa jop dang yang wei daw pynmih ya ki hadien won.
Discussion about this post