Shillong: Ka Meghalaya da jop ko yaka yalehke wa nyngkong yong ka haka 2019-20 Vijay Hazare Trophy pyrchah yaka Sikkim da 194 Run ha Dehradun ynne ks sngi.
Ka Sikkim da jop ko yaka kylla khlem wei da jied ko wow phah Bat nyngkong yaka Meghalaya kawa kamai 318/5 na ki 50 Over. Ka Meghalaya sdang ko deiwa kamai 50 Run hapyrdi u Raj Biswa (Captain) wa u Swarajeet Das kawa da yoh ki hapoh 10 Over.
Tangwa u Das (11) da haap u da ka LBW ha u Iqbal Abdulla. U Biswa (27) wa u Wallambok Nongkhlaw (4) da bood ki deiwa haap ki da ka LBW ha u Bhushan Subba chwa wow wan pynskem u Punit Bisht wa Ravi Teja yaka kamai Run.
U Bisht da yoh u yaka 50 Run yong oo na 36 tylli ki Ball wei da haap u hadien wa yoh u 74 Run wa kynthup ya ki 13 tylli ki 4 Run wei deilang wa u Teja da kamai ki 99 Run.
U Teja da pteiñ u hadooh wa yoh u 109 Run wa u Amiangshu Sen uwa yoh 59 Run wei da kamai lang ki 143 Run.
Ka Sikkim hawa kdong yaka thong da dooh ko ya ki 3 tylli ki Wicket deiwa kamai 37 Run heiwa u Sen da yoh u wow pynhaap ar Wicket haka Over wa nyngkong yong oo.
Neiliang ka Sikkim da leh bha u Yashpal uwa kamai 53 Run tangwa da haap lut ki Wicket ki deiwa kamai 124 Run na ki 46.3 Overs. Uwa leh bha na kiwa kawang bol ka Meghalaya toh u Aditya Singhania uwa yoh 4/18.
Mynstep ka Meghalaya u yachem ko waka Puducherry.
Discussion about this post